Film Criticism: Masahista

DIRECTINGSa direksyon ni Brillante Mendoza, nabigyan ng buhay ang isang istorya sa pelikula. Ngunit para sa akin, hindi naging ganon epektibo ang ilang mga atake, base sa pagkakasunod at page-edit ng eksena. Naintindihan ko lamang ang mensahe ng pelikula dun sa huling parte, yung umiiyak si Iliac hawak ang ilang kagamitan ng kanyang ama. Sa kabuuan, di naging matagumpay para sa akin ang pag-send ng message sa akin.

(photo from http://www.imdb.com/title/tt0477999/)

CINEMATOGRAPHY AND LIGHTINGIsang itong indie film dahil gumamit lamang ito ng simpleng sinematograpiya. Nag umpisa sa isang mahabang biyahe ang unang parte ng pelikula. Magalaw o hindi stable ang maraming kuha sa pelikula. Walang itinago ang kamera. Nakita sa ilang eksena ang parte ng katawan ng lalake, at mga eksenang may sex orientation, na di dapat mapanood ng mga bata. Sa pag-iilaw naman, mayroon akong napansing di maganda, yung naglalakad si Iliac papuntang funeraria at sinusundan ng kamera. Masyadong maliwanag ang eksenang iyon at di maganda sa paningin. May ilan din namang akma sa bawat eksena, gaya ng pag iilaw sa spa na medyo madilim.

           

DESIGNWala ako masabi. Ok naman lahat ng props na ginamit. Akma sa bawat eksena. Maging ang lugar na pinangyarihan ay ganon din. May ilang kagamitan din akong napansin na sa tingin ko ay isang simbolismo. Ilan sa mga ito ay ay kandilang nanigas na tinatanggal sa kabaong ng asawa ni Josy, na ang ibig sabihin ay pagbura o paglimot sa mapapait na nakaraan na nagawa ng kanyang yumaong asawa, ang lotion, polbo, at langis, na ang ibig sabihin ay pagbibigay ng sarap habang pinaghihirapan, at ang mga parol o lantern, na ang ibig sabihin ay liwanag sa tamang panahon (o sa madaling sabi, tagumpay) dahil sa bawat malulungkot na eksenang pinapakita ng pelikula, ang parol/lantern ang parang nagbibigay ng kasiyahan o pag-asa sa kanila.

EDITINGAng paggamit ng kulay itim na background sa OBV ay masasabi kong pinahihiwatig nito sa unang parte pa lang ng pelikula na isang makamundo at kakaiba ang masasaksihang palabas. Kapansin-pansin din ang mali-maling subtitles ng pelikula. Ang pag o-overlay ng isang clip sa isang eksena, para sa akin, ay pinapahiwatig nito ang samu’t saring problema o palaisipan ng isang karakter. Pagdating sa pagpuputol ng bawat eksena, naguluhan ako dahil may isang eksena na ipapakita, pagkatapos ay mapupunta sa isang eksena na wala sa kasalukuyan, tapos babalik ulit. Halimbawa, yung parte na minamasahe ni Iliac si Marina, tapos mapuputol ang eksena at ipapakita ang kanyang tatay na nakaratay sa morge at binibihisan, tapos babalik ulit sa pagmamasahe. Hindi ko nagustuhan ang paraang iyon, at di naging matagumpay na ibigay sa akin ng pelikula ang mensahe nito.

SOUND/MUSICKapansin-pansin ang pagiging tahimik ng kabuuan ng pelikula. Wala masyadong sound o music na ginamit, maliban lamang sa iisang music na ginamit sa una at huling parte ng pelikula. Naaayon na parang natural lamang sa pandinig ang sound effect na ginamit. May parte na hihina ang background na dialog o sounds upang mabigyan ng emphasis ang sinasabi ng bawat karakter. Hindi ganoon naging OA sa paggamit ng mga sound/music, bagkus naaayon ang mga ito sa tema o sa bawat eksena ng pelikula.

UGNAYAN NG SINE AT REALIDADPinakita sa pelikulang ito ang kahinaan at kalakasan ng kalalakihan sa kasalukuyang lagay ng lipunan. Narito ang mukhang napilitan lang magtrabaho bilang masahista para lamang may pantustos. Ang kalakasan ay nakikita sa paano ang pangunahing karakter ay nagpursigi upang makaipon, at para kayanin ang lahat ng kanyang problema. Pinakita din dito ang ilang problema ng lipunan sa kasalukuyan, gaya ng prostitusyon, kahirapan, at mga bi/homo sexual. Pinakita din sa ilang mga eksena ang pagiging mapamahiin ng mga matatanda.

Film Criticism: Kinatay

            Eto na naman, ang isang pelikulang aking napanood, na talaga namang di ko kinaya. </3

(Photo from felizardoromano1st.files.wordpress.com)

Pepoy

PHYSICAL BACKGROUND – criminology student, bata pa, gwapo, simple

SOCIOLOGICAL BACKGROUND – may asawa at anak, member ng sindikato

PSYCHOLOGICAL BACKGROUND

            A. RELASYON SA TAO – asawa ni Cecille, kaibigan ni Abyong

            B. PILOSPIYA— kailangang magsikap makapag tapos ng pag aaral at kumita kahit papaano sa isang sideline upang mabuhay ang kanyang pamilya.

            C. EMOTIONAL BAGGAGE ­– saya, na napunta sa takot at lungkot.

            D. OUTER/INNER MOTIVATION – kawalan ng pantustos para sa pamilya kaya pumasok sa isang trabaho na labag sa kanyang kalooban.

DIRECTINGSa kabuuan ng pelikula, walang naging malinaw na pagkakasunod ng bawat eksena, maging ang dayalogo. Nangingibabaw ang puro biyahe at lakad ng main character ng pelikula. Nais sigurong iparating ng director ang mensahe ng pelikula nang hindi nagpo-focus sa title ng pelikula (which is in the first place ang “kinatay” ang naiisip na nilalaman ng pelikula ng manonood) kundi sa emosyon ng bawat karakter sa bawat eksena.

CINEMATOGRAPHY AND LIGHTINGMalikot ang galaw ng camera, na parang pinapakita yung kung ano ang nakikita ng natural na mga mata ng tao.Ang pelikulang ito ay di dapat napapanood ng mga bata dahil naglalaman ito ng mga eksenang di angkop para sa kanila.

           

DESIGNAng disenyo ng pelikula ay naaayon lamang sa bawat eksena ng pelikula; kay Pepoy na naka-school uniform, ang kanyang asawa na simple lamang kung manumit ay na-achieve naman na magmukhang ina, at ng iba pang karakter. Maging ang props ay angkop sa mga eksena na ginamit o pinakita ng karakter.

EDITINGSimple, pero may dating kung ituring ko ang style o editing na ginamit para don sa OBV.Nagbigay sa akin ng kalituhan ang transition ng bawat eksena, kagaya nung sa unang part na nasa biyahe si Pepoy at ang kanyang asawa tapos biglang napadpad ang eksena sa isang kaganapan na may mga reporter at mga taga rescue doon sa lalakeng nasa billboard tapos biglang papasok ang eksenang magkikita sila ni Abyong (Jhong Hilario), at yung huling parte na nasa loob ng taxi si Pepoy tapos mapupunta ang eksena sa kanyang asawa na nasa bahay at nagluluto ng sinangag habang buhat ang kanilang anak.

SOUND/MUSICMedyo creepy ang sound na ginamit, ngunit di naging OA para sa isang eksena upang ma-enhance nito di lamang ang emosyon na pinapakita ng karakter, kundi pati na rin ang kakayahan nitong makuha ang atensyon ng mga manonood.

Hindi binigyan ng focus ang mga dayalogo. Sa aking opinyon, paraan lamang ito ng director upang masabing wala sa dayalogo ang focus ng pelikula, kundi doon mismo sa emosyon ng mga karakter at sa mismong istorya ng pelikula.

UGNAYAN NG SINE AT REALIDADPinakita dito ang ilang social problems sa ating lugar, gaya ng prostitusyon, teenage pregnancy, madilim at karimarimarim na trabaho ng pulisya, at violence.

SIMBOLISMOBaril – karahasan

Singsing - pangako

Film Criticism: Curacha: Ang Babaeng Walang Pahinga

Eto yung mga gustung gusto ko mapanood eh. XD Joke.

Hindi ko kinaya ang pelikula. Maging sa iba siguro na katulad kong konserbatibo ay di din gugustuhing mapanood ito. Ngunit bilang isang practice upang maging isang film critic, kinakailangang alam natin kung bakit may mga ganitong klaseng pelikula, at ano ang nasa likod ng ganitong istorya,

CINEMATOGRAPHY AND LIGHTING

Binigyan ng kakaibang anggulo ang bawat kuha ng camera, at ang movements nito, upang may maitago pa ring ilang parte ng katawan ng tao at eksena. Ganoon din ang paraan na ginamit para sa pag iilaw ng ilang eksena. May parte na sobrang dilim upang maitago ang mga eksenang gustong itago ng direktor, may parte din na maliwanag, depende sa emosyong papasok sa eksena o angkop sa pagganap ng mga karakter.

           

DESIGN

Ang lokasyon at props ay angkop lamang sa mga eksena.

EDITING

Simple lamang ang editing na ginamit sa pelikula. Hindi naging OA. Sa pagpuputol ng mga eksena ay nanatili pa rin ang tamang takbo ng istorya ng pelikula.

SOUND/MUSIC

Naging angkop naman ang sounds na ginamit sa pelikula. Nagamit ito ng maayos, at nagsilbing kagamitan na rin ito upang maparating ang mensahe ng bawat pelikula. Gaya ng kung ang sound o music ay sexy sa pandinig, naaayon lamang sa ginagawa ng mga karakter.

Hindi ganoon naging malinaw ang bawat dayalogo ng mga karakter, ngunit ang pagkakasunud-sunod ng mga eksena ay sapat na para maintindihan ang pelikula.

UGNAYAN NG SINE AT REALIDAD

Pinakita dito ang kasalukuyang problema ng bansa ngayon, at yun ay ang prostitusyon at kahirapan. Kung gayon, si Curacha ay sumisimbolo sa isang produkto ng sakit ng lipunan. Pinakita din dito ang ilang mga pangyayari noong panahon ni Cory Aquino, ipinaglalaban noon ng mga mamamayan ang kanilang kalayaan. Mga sundalong nagrerebelde laban sa pamamalakad ng pamahalaan.